ريح الشمالي - عتابا

ريح الشمالي يا نسيم بلادنا

 

يا حسرتي عَالْـ شيّلو ما ميّلو

ودموع عيني عالفراق بينزلو

قالو جميع الناس حبابك بَادَلُو

قلت حاشى أن يوافوا غيرنا

 

أنا في ضيعتي الينبوع جاري

رفيقي الحقل والبستان جاري

ارجعوا يا هاجرين الدهر جاري

وشمس العمر مالت عَ الغياب

 

يا رايحين مشرّق لا تطوّلون الغيبة

وبْلاك يا محبوبي، هالدار مالو هيبة

 

حطّ الشمال بوجهك، يا زين لا تنساني

وقلبي بلون عقالك، أسود من القطراني

 

يا ربعنا العالي الصروح

في عيشتك عزّ وهنا

والمجد في أرضك يلوح

يا ربعنا يا ربعنا

 

يا بنت يللي عالسطوح

طلّي وشوفي خيولنا

والعزّ ما عمرو يروح

عن ربعنا وسهولنا

 

يا مهرة الْـ خلف الجبل

خيل العِدا ما تطالها

تخطُر وراعيها البطل

جالس يغنّي قبالها

 

يوم المفاخر ديرتي

لحن الهيبة موّالها

يا رب تكبر مهرتي

تكبر واني خيّالها

 

ريح الشمالي .. زور الغوالي

وقلُّن عَ بالي .. طيف محبوبي

بقعد لحالي.. أذكر ليالي

يوم الْـ حكالي .. وتاه ع دروبي