الله معك يا أسمر



الله معك يا أسمر الجَبهةْ

يا ناعِس العَينينْ

عشِقْتك أنا وما عِدْتْ منتبهةْ

من أيمتي ولا وينْ

 

ياللي الشمس مْلَوَّحَة جْبينك

بألوان خمريِّة

مهضوم إنت وعَ تْكَاوِينك

مَوجات سِحريِّة

 

يا شَبّ يا ساكن بِجِيرتنا

يالْـ قلبنا لقلبك

لمحات عينك صوب حارتنا

بتدلّ عن حُبّك

 

ليش التّعبْ ظاهِر على عْيونك

تِخمين ما بتنام؟

نعسان يا امّا مدَبِّل جْفونك

كتر الأحلام؟

 

كلمات أغاني فيروز
fairouziyat.com

الأزهار عم تتهامَس بْسِرَّكْ

عَ مْكاسر المَيِّة

والبنت ياللي شاغلِة فِكرَكْ

عرفناها مين هيّي

 

متل ما الوردِة بْصَفا الغدرانْ

بتشوف صورتها

عيني بْعينك شايفة ألوانْ

صورة مْحَبّتها