يمكن



لوين بدنا نفلْ من كلِّ الـ عم بيصير؟

ما فينا نكفِّي ذلْ، قتل وخوف وتهجير

بإيدَيْنا عم بنخرِّب كلِّ اللي بنيناه

 

لا حكم ولا كراسي، لا حقد ولا بغض

لا دين ولا مصاري، ولا حروب تْتَلِّي الأرض

شو اللي مانعنا نوحِّد اللي نحنا قسَّمناه؟

 

يمكن أنا عم إحلم.. حلم كل واحد منَّا

الحلم وحده بيجمعنا.. تَـ نعيش بسلام

 

ما عاد بدنا حروب، بلا سبب نموت

بكرا يضلِّ مخوِّفنا، ليش وعَ شو تقاتلنا؟

ما دام السَّما واحدة لكلِّ الناس

 

يمكن أنا عم إحلم.. حلم كل واحد منَّا

الحلم وحده بيجمعنا.. تَـ نعيش بسلام

تَـ نعيش بسلام.. تَـ نعيش بسلام