ما تزعل منِّي



شو كان سهل عليِّ إنِّي فِل

بس اخترت إنِّي ابقى كرمالك

وقت اللي كِلُّن فَلُّوا وتركوك

 

لأنِّي بحبَّك..

ولأنِّي وعدتك إنِّي بكلِّ الأوقات

بإيَّامي السودا وبكلِّ الإيَّام

رح ابقى حدَّك ولو مهما كان

 

ما في شي بيعنيلي غير إنِّي عيش

بوطني اللي رسمته ببالي

صورة حلوة، حلم كبير، اهرب اتخبَّى فيه

 

وطني الغِنِّيِّة..

لو تعرف شو صِلَّيْت واتمَنَّيت إنُّو يصير

ما عاد فييِّ كفِّي بحبسي الكبير

اخترت الحريِّة.. بدِّي التغيير

 

ما تزعل منِّي يا وطني

إنت بتعرف ما مرَّة تركتك

كلمات أغاني فيروز
fairouziyat.com

بأسوأ إيَّامي.. بجنون حياتي

بقيت على وعدي.. ما تبعد عنِّي

 

بزعل عَ حالي.. بزعل عليك

أنا وفيك وحاسِّة بالغربة

ما بتستاهل هالبشاعة اللي عمِلتَا بإيديك

 

إنت الطفولة، والسما الزرقا بيتي، والخير اللي كان

إيَّامي الحلوة، أهلي والجيران

والضحكات اللي صاروا نسيان

 

شو بقول لولادي اللي حلموا فيك؟

كذبت عليِّ وما كنت وطني اللي بيشبهني وبلاقي حالي فيك

بكرا بيكبروا.. بِدَوْرُن بِفِلُّوا على وطن جديد

يغمرهن ويكبر حلمن فيه

لو مهما كان هالوطن بعيد

 

ما تزعل منِّي يا وطني..

 

ما تزعل منِّي يا وطني

إنت بتعرف ما مرَّة تركتك

بأسوأ إيَّامي بجنون حياتي

بقيت على وعدي ما تبعد عنِّي

كلمات أغاني فيروز
fairouziyat.com

 

يمكن حكيت كتير.. بس كان لازم قلَّك كلِّ اللي بقلبي

ما بدِّي منَّك إلَّا إنَّك تسمعني وتصدِّقني

 

ما تزعل منِّي يا وطني ..