كلمات وألحان:
الأخوين الرحباني
بعلبك
أنا شمعة على دراجك
وردة على سياجك
أنا نقطة زيت بسراجك

بعلبك
يا قصّة عزّ عليانة
بالبال حليانة
يا معمّرة بقلوب وغناني

هون نحنا هون
لوين بدنا نروح
يا قلب يا مشبّك
بحجارة بعلبك
عالدهر
عَ سنين العمر

هون نحنا هون
وضوّ القمر مشلوح
عا أهلنا الحلوين
عَ بيوت غرقانين
بالعطر
بغمار الزهر

هون رح نبقى نسعد ونشقى
نزرع السجرة، وحدّا الغنّية
وللدني نحكي حكاية إلهية
وبعلبك بهالدهر مضوية
وعَ إسمها السهرات مسمية

كلمات أغاني فيروز - فيروزيّات

2006 - 2022

صُنِع بالـ♥