- كلمات:
- ميشال طراد
- ألحان:
- الأخوين الرحباني
بكوخنا يا ابني بهالكوخ الفقير
والتلج ما خلّى ولا عودة حطب
والريح عم يصفر فوق منّو صفير
وتخزّق بهالليل منجيرة قصب
وقفوا ع شبّاكك يدقّوا العصافير
بجوانحن يا جوانحن المتشرنين
جايين يتلطّوا ع كِتْر الزمهرير
و رفيقك البلبل شو مشتقلك كتير
مخبّيلك بعبّو شي ميّة سوسنة
يا ابني
علوّاه لو فيّي يا عينيّي لطير
اتفقّدك يا رجوتي بعدك زغير
وعمرك وعمر العطر ما كفّوا السنة
وشو الدني يا ابني وشو طعم الدني
انْ ما هبّجت وجّي بإيديك الحرير
شو الجرس هالحامل بشارة العيد
شو ألف عيد وألف قنّينة نبيد
صوتك الـ يتدحرج بقلبي وعم يضيع
نازل عن التلّة بهالوادي البعيد
حامل بإيد الصبح وبإيد الربيع
ومن يوم هالغيبة وألله يسامحك
عم فرفط بهالفل عم قطّف ريحان
عم بستعير من السما أجمل لْوَان
وخرطش ع هالحيطان لنّو ملامحك
وهالقلب عم حفّو على جْرَيْن السرير
عم مرمغو بلعبك بمطارحك بفراشك
بريحة ريشات جوانحك
بغبرة حوافر حصانك هالزغير
يا ابني
والتلج ما خلّى ولا عودة حطب
والريح عم يصفر فوق منّو صفير
وتخزّق بهالليل منجيرة قصب
وقفوا ع شبّاكك يدقّوا العصافير
بجوانحن يا جوانحن المتشرنين
جايين يتلطّوا ع كِتْر الزمهرير
و رفيقك البلبل شو مشتقلك كتير
مخبّيلك بعبّو شي ميّة سوسنة
يا ابني
علوّاه لو فيّي يا عينيّي لطير
اتفقّدك يا رجوتي بعدك زغير
وعمرك وعمر العطر ما كفّوا السنة
وشو الدني يا ابني وشو طعم الدني
انْ ما هبّجت وجّي بإيديك الحرير
شو الجرس هالحامل بشارة العيد
شو ألف عيد وألف قنّينة نبيد
صوتك الـ يتدحرج بقلبي وعم يضيع
نازل عن التلّة بهالوادي البعيد
حامل بإيد الصبح وبإيد الربيع
ومن يوم هالغيبة وألله يسامحك
عم فرفط بهالفل عم قطّف ريحان
عم بستعير من السما أجمل لْوَان
وخرطش ع هالحيطان لنّو ملامحك
وهالقلب عم حفّو على جْرَيْن السرير
عم مرمغو بلعبك بمطارحك بفراشك
بريحة ريشات جوانحك
بغبرة حوافر حصانك هالزغير
يا ابني