إيه في أمل



رغم الزهر اللي مْتَلِّي الحقول

شو ما تحكي وتشرحلي وتقول

حبيبي .. حبيبي

تَ نرجع لأ مش معقول

 

عندي سنونو وفي عندي قرميد

وبعرف شو يعني إذا إنتَ بعيد

بس حبيبي .. إحساسي

ما عاد يرجعلي من جديد

 

في أمل! إيه في أمل

أوقات بيطلع من مَلَل

وأوقات بيرجع من شي حنين

لحظات تَ يخفّف زَعَلْ

وبيذَكِّرني فيك لون الشبابيك

بس ما بينسِّيني شُو حَصَلْ

 

في قدّامي مْكاتيب من سنين

زهقِت ورد ومنتور وياسمين

حبيبي .. حبيبي

كلمات أغاني فيروز
fairouziyat.com

ما عاد يلمسني الحنين

 

في ماضي منيح بس مضى

صَفّى بالرّيح بالفَضا

وبيضَلّ تذكار عن مَشْهَد صارْ

في خبز في ملح في رِضى

ويوميّة ليل وبَعْدو نهار

عمري قدّامي عم ينقضى

 

شوف القمح اللي بيطلع بسهول

شوف المَيّ اللّي بتنزَل عَ طُول

حبيبي.. إحساسي

هالقدّ معقول يزول

 

شو بتخبّر أصحاب وزوّار

عنّي إنّي محدودة وبغارْ

بس حبيبي .. كرمالي

تْنَيناتْنا منعرف شو صارْ