كِنَّا نزَيِّن سجرة زغيرة

كِنَّا نزَيِّن سجرة زغيرة ونعلِّق فيها جراس
عليها نجوم بيلمع لونا بيلمع متل الإلماس
مليانة تلج ومليانة ملبَّس أبيض بكياس
يا جراس وعِّي الناس للقِدَّاس يا جراس
يا جراس الليلة عيد وعِّي الناس

كان عليها مسابح زرقا وشمع صغير ولمبات
حمرا وصفرا تضوِّي وتِطفِي بتشبه ضوِّ الطرقات
بين غصونا شرايط فضَّة ورفِّ طيور وبالونات
يا جراس وعِّي الناس للقِدَّاس يا جراس
يا جراس الليلة عيد وعِّي الناس

نقعد حتَّى نطَلِّع فيها؛ نلاقي في علَيْها قلوب
ميِّة طابة حمرا نفزع إنُّو تُوقَعْ وتدوب
فوقا كَرت زغير ملوَّن وبقلبو في مكتوب
كلّ عيد وإنتو بخير.. إنتو بخير.. إنتو بخير
كلّ عيد وبلدي بخير.. بلدي بخير